„ჩემი ილუსტრირებული ანბანი“

სსიპ ქალაქ ქუთაისის #14 საჯარო სკოლის 1ა კლასმა წარმატებით დაასრულა პროექტი „ჩემი ილუსტრირებული ანბანი“, რომელზეც მუშაობდნენ 6 თვის მანძილზე. მათ საკუთარი ხელით შექმნეს და გააფორმეს საანბანო წიგნი. ეს გახლდათ ძალზედ საინტერესო და შემოქმედებითი პროცესი. პროექტის გრძელვადიანი მიზანი იყო დეკოდირება-კოდირება; ქვეცნება – დაწერილი სიტყვა, ასო. ამის საშუალებით მათ გაიაზრეს შემდეგი: 1. წარმოთქმული სიტყვა შედგება ბგერებისგან. სიტყვის დასაწერად ვიყენებთ ასოებს, ასოები აღნიშნავს ბგერებს. 2. ასოები სხვადასხვა ნაწილისგან შედგება და სხვადასხვაგვარად განლაგდება ბადიან სტრიქონზე. 3. წერისას საჭიროა სიტყვებს შორის მანძილის დაცვა, წინადადების ბოლოს – წერტილის დასმა. 4. ასოების სიტყვებად და სიტყვების წინადადებად გამთლიანება ვარჯიშს მოითხოვს.