სასკოლო კონფერენცია

მე-14 საჯარო სკოლის მათემატიკის მოყვარულთა საზოგადოებამ ტრადიციას არ უღალატა და სასკოლო კონფერენცია წელსაც გამართა. მაღალკლასელმა მოსწავლეებმა საინტერესო თემები წარმოადგინეს: დავით შენგელია, მე-11/გ კლასი – ,,სოფიზმები მათემატიკაში”, მარიამ ხარაბაძე, მე-11/ა კლასი – ,,ფრაქტალური გეომეტრია”, დოდო ლაბაძე, მე-10/ბ კლასი – ,,ფიბონაჩის საიდუმლო-ბუნების რიცხვთა ენა” ნინი ნოზაძე, მე-10/ბ კლასი – ,,თვლის სისტემები”, მათე ურიდია, მე-9/გ კლასი – ,,პროცენტები ჩვენს ცხოვრებაში”, მარიამ ბენიძე, მე-9/გ კლასი – ,,დეტერმინანტი”, მერი ონიანი, მე-9/გ კლასი – ,,ისტორიული ცნობები მათემატიკის შესახებ”. საინტერესო იყო მოსწავლეთა პრეზენტაციები. მათ საუბარში საკითხისადმი სიღრმისეული ცოდნა და ენთუზიაზმი იგრძნობოდა. მათე ურიდიამ პროცენტების გამოყენებაზე ქვიზი შემოგვთავაზა, რამაც მსმენელები გაახალისა. სკოლის დირექციამ სასკოლო მათემატიკური კონფერენციის მონაწილე მოსწავლეები სიგელებით დააჯილდოვა.