მუსიკის ტესტებზე ჩვენი სკოლის მასწავლებლები იმუშავებენ

ქუთაისის N14 საჯარო სკოლის მუსიკის მასწავლებლები თამარ გაბისონია და ეკატერინე ჯანელიძე გამოცდებისა და შეფასების ეროვნული ცენტრის მიერ შერჩეულნი არიან ტესტური დავალებების შემქმნელებად. ისინი მონაწილეობას იღებენ გრძელვადიან სწავლებაში. სწავლების მიზანია მონაწილეებს გადასცეს ის ზოგადი ცოდნა და უნარები, რომელიც საჭიროა ხარისხიანი ტესტური დავალებების შექმნისთვის ტესტის თანამედროვე თეორიის გამოყენებით (IRT) ეროვნული შეფასებების ფარგლებში. მონაწილეებს საშუალება აქვთ შეისწავლონ, როგორ შექმნან დავალებები, რომლებიც შეესაბამება სტატისტიკურ მოდელს, ტესტის სპეციფიკაციებით განსაზღვრული თითოეული დავალების სირთულისა და კოგნიტური დონის პარამეტრების დაცვით, სანდო და ვალიდური შეფასების უზრუნველსაყოფად. სკოლა მადლობას უხდის შეფასებისა და გამოცდების ეროვნულ ცენტრს ამ შესაძლებლობისთვის. ქალბატონო თამარ და ქალბატონო ეკა! სკოლა ამაყია თქვენ გამო!