სიბრძნის მარცვლები

საგანი – ქართული ენა და ლიტერატურა
კლასი – მეოთხე
მასწავლებელი/დამრიგებელი – მარიამ ბოლქვაძე, ლალი კიკნაძე
თემა – სიბრძნის მარცვლები
საკითხი – სამი უნარი
მიზანი – გააცნობიერონ იგავის შინაარსი და მთავარი აზრი; შეაფასონ გმირების ქცევა და ამოიცნონ სწორი ცხოვრებისეული გზა; გამოხატონ საკუთარი მოსაზრება და კრეატიულად გადმოსცენ იდეა
სამიზნე ცნება – ტექსტი (ჟანრები), მსჯელობა/არგუმენტირება
მკვიდრი წარმოდგენები (რა უნდა გააცნობიეროს მოსწავლემ) – იგავი არის მოკლე, ალეგორიული თხზულება, რომელსაც აქვს ზნეობრივ დამრიგებლური დანიშნულება; იგავის პერსონაჟები ხშირად ასახავენ ადამიანურ თვისებებს ან ქმედებებს; მნიშვნელოვანია, რომ ადამიანის უნარები და შრომა იყოს სასარგებლო და შემოქმედებითი ქვეყნისთვის.
გაკვეთილის მიმდინარეობა:
1. შესავალი – დაფაზე დავწერე სამი სიტყვა: გონება, შრომა და სიკეთე
2. ნაცნობი იგავების ფოტოები გამოვუტანე ეკრანზე, მაშინვე მიხვდნენ, რომ ეს იგავები იყო. დაასახელეს სათაურები (ზოგზე – შინაარსი), გამოთქვეს ვარაუდები, თუ რატომ იყო გამოტანილი და რას წარმოადგენდა იგი.
3. მესამე ეტაპი დავიწყეთ თვალსაჩინო კითხვით, გავაგრძელეთ გაგრძელებით კითხვით, ხოლო შემდეგ წარმოვიდგინეთ სიტუაცია. აღნიშნულზე გვქონდა ფაქტობრივი და შინაარსობრივი კითხვები.
4. ტექსტის გარჩევის მერე დასხდნენ ჯგუფებად. დაფაზე დაწერილ სამ სიტყვას (გონება, შრომა, სიკეთე) მიუსადაგეს სიმბოლო და წარმოადგინეს პრეზენტაცია
5. დასკვნით ეტაპზე გამოთქვეს აზრი: მე რომ მეფე ვიყო, ვის მივანიჭებდი უპირატესობას და რატომ?
მეორე დღეს ჩავრთეთ ინტერპრეტირება და როლურად გავითამაშეთ, ასევე თითო მოსწავლემ დაასახელა ერთი სიტყვა, რომელიც იგავმა დაამახსოვრა.