მოსწავლეთა სასკოლო კონფერენცია

2023 წლის 27 დეკემბერს მათემატიკისა და საინფორმაციო ტექნოლოგიების კათედრამ მათემატიკაში მოსწავლეთა სასკოლო კონფერენცია გამართა.

კონფერენციაში ჩართული იყო ჩვენი სკოლის სხვადასხვა კლასის 18 მოსწავლე, რომლებმაც გაღრმავებულად შეისწავლეს მათემატიკური საკითხები და დამსწრე საზოგადოების წინაშე დიდი მონდომებით და პასუხისმგებლობით წარმოადგინეს.

ღონისძიებამ საინტერესოდ ჩაიარა.

მოსწავლეებმა თემებს თან დაურთეს PowerPoint-ის პრეზენტაციები, პოსტერები, ნახაზები. ზოგიერთი მათგანი სახელდახელოდ მომზადებულ დაფაზე მარკერით წერდა და ამტკიცებდა თეორემას, გამოჰყავდა მათემატიკური ფორმულა.

მეხუთე კლასელთა ჩართულობა ასეთ ღონისძიებაში პირველი იყო. მათ განსაკუთრებული ღელვა ეტყობოდათ, თუმცა დავალებას შესანიშნავად გაართვეს თავი.

მოსწავლეები კონფერენციისათვის მათემატიკის მასწავლებლებმა: ნონა ჩუბინიძემ, ნინო სტურუამ, ინეზა გაბადაძემ, აზა მარუაშვილმა და თინათინ კოხრეიძემ მოამზადეს. მათვე გააცნეს მოსწავლეებს ცნობილი ქართველი მათემატიკოსების მოკლე ბიოგრაფიები და მათი წვლილი მათემატიკური სკოლის, თბილისის უნივერსიტეტის შექმნისა და ქართული მეცნიერების მსოფლიო მასშტაბით პოპულარიზაციის საქმეში.

კონფერენციაში მონაწილე მოსწვლეებს დიპლომები გადაეცათ.