წარმატებები გრძელდება

In სიახლეები / 5 ივლისი 2023 / Comments are Disabled

შეგახსენებთ ჩვენი მე-12ა კლასის მოსწავლის( მასწავლებელი ნინო კანდელაკი,დამრიგებელი სოფიო ცნობილაძე), ნია ქარაბაკის,  მიერ მოპოვებული წარმატების შესახებ  პირველ სემესტრში, როდესაც მან გაიარა აკაკი წერეთლის სახელმწიფო უნივერსიტეტის უცხოური ენების დეპარტამენტის და ენების  შემსწავლელი ცენტრის მიერ ზამთრის სკოლა  “WINTER SCHOOL” შესასწავლი კურსი  . ამა წლის  ივნისში  ჩატარდა  საზაფხულო  სკოლის  “SUMMER SCHOOL”  კურსი,რომლის მიზანი და მიმართულება იყო პროფესიული სფეროების შესწავლა. კურსის ფარგლებში შემსწავლელებმა ინგლისურ ენაზე  გაიარეს მომზადება შემდეგი სფეროების მიხედვით: 1. ტურისტული ინდუსტრია 2. საინფორმაციო ტექნოლოგიები და ჟურნალისტიკა .3 .სამედიცინო სფერო 4. გარემოს დაცვის სფერო  5.იურისპრუდენცია. ჯგუფური მუშაობისას ნიას მიერ გაკეთებული პრეზენტაციებმა მაღალი შეფასება მიიღეს სკოლის კურატორის აწსუს უცხოური ენების დეპარტამენტის პროფესორის ქ-ნ ნათია ზვიადაძის და ამერიკელი თანამშრომლებისგან მხრიდან. კურსი დატვირთული იყო ყოველდღიური პრაქტიკული ვორქშოპებით, რომლებიც შესაბამისი მატერიალურ-ტექნიკური ბაზის და  სასწავლო რესურსების გამოყენებით განხორცილდა  ისეთ ლოკაციებში, როგორებიცაა ისტორიული მუზეუმი, უნივერსიტეტის სამედიცინო  და საინფორმაციო ლაბორატიებში, საუნივერსიტეტო ბიბლიოთეკა და ნარჩენების გადამამუშავებელი ქარხანა.გასვლითი პრაქტიკული ნაწილი უხვად იყო გაზავებული ინგლისურენოვანი მინი -ლექციებით და ტრენინგით დარგობრივი  სპეციფიკური ტერმინოლოგიის შესწავლით და  გამოყენებით. ნიამ უზარმაზარი გამოცდილება მიიღო, როგორც  პროფესიული კარიერული არჩევანის კუთხით ,ასევე ენის სიღრმისეული დაუფლების მხრივ. სამომავლოდ იგეგმება ჩვენი სკოლის ინგლისური კლუბის საქმიანობის ფარგლებში განხორციელდეს  მსგავსი ფორმატის ღონისძიება, რომელსაც სათავეში ნია ქარაბაკი ჩაუდგება. ულევი წარმატება ჩვენ კეთილშობილ ნიას.

წარმატება გრძელდება